Nevndir og ráð undir Mentamálaráðnum

Fólkaskúlaráðið
Fólkaskúlaráðið gevur landsstýrismanninum ráð í øllum málum um fólkaskúlan. Fólkaskúlaráðið kann ráða landsstýrismanninum til at seta í verk royndar- og menningarvirksemi og granskingarætlanir viðvíkjandi fólkaskúlanum.

Dagstovnaráðið
Uppgávan hjá Dagstovnaráðnum er m.a. at geva landsstýrismanninum ráð í øllum málum um dagstovnaøkið, og at lata honum tilráðingar um at seta í verk menningar- og granskingarverkætlanir innan dagstovnaøkið.

Granskingarnevndin
Granskingarnevndin skal ráðgeva landsstýri og vinnu í granskingarpolitiskum spurningum, og eisini skal Granskingarnevndin viðgera umsóknir um stuðul. Granskingarnevndin hevur sjey limir, sum eru valdir fyri tíðarskeiðið 2011-2014.

Yrkisútbúgvingarráðið
Uppgáva ráðsins er at viðgera mál viðvíkjandi arbeiðsmarknaðar- og yrkisútbúgvingum og at geva landsstýrismanninum tilmæli hesum viðvíkjandi.

Ráðið fyri gransking, menning og nýskapan
Ráðið fyri gransking, menning og nýskapan skal ráðgeva Føroya landsstýri um yvirskipaða politikk Føroya fyri gransking, menning og nýskapan.
Í ráðnum sita 7 limir, sum landsstýrisfólkið í granskingarmálum tilnevnir við støði í tilmælum frá eini trímannanevnd. Borgarar, stovnar og fyritøkur hava møguleika at koma við uppskotum um ráðslimir til trímannanevndina.

Fornminnisnevndin
Fornminnisnevndin er ein tilmælandi nevnd hjá landsstýrismanninum við mentamálum, sum hevur evstu ábyrgd í friðingarmálum. í nevndini sita tríggir limir.

Føroyska UNESCO-nevndin
Endamálið hjá nevndini at fremja UNESCO arbeiðið í Føroyum, at virka sum ráðgevi hjá landsstýrinum í UNESCO málum og hjá føroysku sendinevndini á aðalfundinum hjá UNESCO. Í nevndini sita fýra limir.

Stýrið fyri Listasavn Føroya
Stýrið er ovasta leiðsla á Listasavni Føroya. Landstýrismaðurin í mentamálum velur formannin í stýrinum. Tórshavnar kommuna, Listafelag Føroya og Felagið Føroysk Myndlistafólk velja hvør sín lim. Stýrið setur stovnsleiðaran eftir tilmæli frá Listafelag Føroya og Felagnum Føroysk Myndlistafólk. Stýrið hevur fýra limir.

Sí annars slóð til samlaða yvirlitið yvir nevndir og ráð hjá øllum stjórnarráðum her.